رجالة المنسي وموقعة البرث

-

مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ ۖ وَمَا بَدَّلُوا تَبْدِيلًا

شكرا للتكفيريين اللى نزلوا الفيديو بتاع موقع البرث فى وسط فيلم أسمه " لهيب الحرب 2 " والله ألف شكر .. 
ورتونا كمية الذخيرة اللى ضربتوها على بيت راشد اللى كان فيه منسى ورجالته الأبطال بجميع أنواع الأسلحة كانت عامله إزاى !! 
ورتونا قوة تفجير خلت اللى بيصور من مسافة كيلو الأرض بتتهز بيه وبالكاميرا وأخواتنا الأبطال اللى جوه البيت اللى حصل التفجير فيه ما أتهزوش وثبتوا وقاتلوا ساعه ونص !! 
شكرا أنكم ورتونا قد ايه بعد تفجيركم الضخم وأسلحتكم ال14.5 المضاد للطائرات والRBG اللى عمال يرزع ورشاشاتكم الكلاش وبنادقكم اللى مابطلتش ضرب من أول لحظة لأخر لحظة بردو مش عارفين تطلعوا المبنى لحد ما النهار طلع عليكم مع أن بداية الهجوم الدنيا كانت مضلمه !! 
شكرا أنكم عرفتونا قد ايه العسكرى البطل " علي علي " عذبكم لدرجة أنكم بدأتوا تحدفوا عليه قنابل من تحت علشان تطلعوا !! 
شكرا أنكم عرفتونا " سباعى " و " هرم " صمدوا إزاى لأخر لحظة وأنتوا داخلين المبنى ومش عارفين تطلعوا السلم وبتضربوا من تحت وبتقولوا لسه واحد فوق واحد بس مننا عامل فيكم كده !! 
شكرا أنكم عرفتونا أن " حسنين " و " شبراوى " و " محمد صلاح " و " نجم " و " فراج " و كل الأبطال ماتوا رجاله وسلاحهم فى ايديهم فى مبنى مافيهوش أى حاجه يتحاموا فيها بعد التفجير !! 
شكرا أنكم ورتونا فى أخر لحظة وأنتوا طالعين السلم بطل وقع منكم واحد وهو أصلا بيموت خلاص وواخد دفعه فى رجله والرشاش الكلاش قاسمله ضهره بطل أسمه " علي علي " !! 
شكرا على الفيديو ده والله شكرا أنكم ورتونا أن بعد كل التفجير والضرب ده رجالتنا وقعوا منكم كتييييير وورتونا نفسكم وأنتوا بتشيلوا جثثكم وبتجروا بيهم يعنى الخمسه اللى كانوا جثثهم فى الموقع دول بس اللى مالحقتوش تاخدوهم وتجروا لكن اللى وقعوا منكم كتيييييير أوى !! 
ألف شكر على الفيديو ده بصراحه شكرا لأنكم أثبتوا أن رجالتنا جدعااااان أوى .. 
رجالة منسى جدعااااان أوى وماتوا أبطال بشرف وبفخر وفى الجنة ونعيمها أبطال مقبلين غير مدبرين .. 

أبطال الصاعقة فى البرث وحوش منسى .. بجد ألف فخر وألف عزة وألف شرف على موتة تشرف فعلا وعااااااش الأبطااااااال ..
وسلام على من يقاتلون فى الليل وفى الصباح بالأكفان قد عادوا .. سلام عليهم جميعا حتى نلتقى ..

تعليقات

إرسال تعليق

المشاركات الشائعة من هذه المدونة

القدس

-
صورة
شكراً يوسف الشريف  #القدس #مسلسل _النهاية  رمضان ٢٠٢٠ زحمة مسلسلات وكالعادة في رمضان مش هنقدر تتابع كل المسلسلات ولكن بيعدي رمضان بسرعة زي كل الأيام الحلوة واللي بيتبقى الحسنات اللي قدرنا نلمها خلال الشهر الكريم وبالنسبة للمسلسلات مش بيتبقى غير الفن اللي بجد والشغل المتعوب عليه واللي بيفضل في وجدانا مهما عدت سنين ودا زي رأفت الهجان والمال والبنون وليالي الحلمية أنا طبعاً مش بتكلم كناقد ولا متخصص أنا واحد من المشاهدين ....  وبصفتي واحد متابع مسلسلات اجنبي من اول Lost  لما كانت بتنزل كل يوم تلات وخلصت Braking bad و Game of thrones  ومستني Dark و  The 100 و Manifest  المهم ... بعين المشاهد اللي شاف كتير وكاسح وماسح Netflix و HBO  اقدر اقول ان مسلسل النهاية فعلاً متعوب عليه ديكور مقبول والجرافيك كويس والفكرة مختلفة ومميز ودا اللي يخليني أقول ليوسف الشريف اللي بصراحة عمري ما تابعت ولا عمل ليه من أيام الرقم المجهول لحد كفر دلهاب …  بس اللي أنا بأشكر يوسف الشريف عليه هو انه خلا أولادي يسألوني هي فين القدس دي ؟ صدمة كبيرة حسيت أ...
قراءة المزيد

أول ظهور للمسيح الدجال

-
صورة
نهاية العالم   اللَّهُمَّ إِنِّي أَعُوذُ بِكَ مِنْ عَذَابِ جَهَنَّمَ ، وَمِنْ عَذَابِ الْقَبْرِ ، وَمِنْ فِتْنَةِ الْمَحْيَا وَالْمَمَاتِ ، وَمِنْ شَرِّ فِتْنَةِ الْمَسِيحِ الدَّجَّالِ  .  #نهاية_العالم  #مسلسل_النهاية #المسيح _الدجال #الماسونية  #نظرية_المؤامرة  كل الكلام اللي فات دا سمعناه في الفترة اللي فاتت كتير وأنا واحد مش مؤمن بنظرية المؤامرة ولا لاقي فينا حاجة مميزة تخلي الناس تعمل علينا مؤامرات  .  بس الكلام اللي ظهر في #مسلسل_النهاية الحلقة  ال٢٢ و ال٢٣  خلاني اربط بين الحاجات دي .  أولاً بالنسبة لنهاية العالم  .…  قال النبى صلى الله عليه وسلم (  بُعِثْتُ أَنَا وَالسَّاعَة كَهَاتَيْن   ) صدق رسول الله صلى الله عليه وسلم .  والقرآن في أية صريحة ابلغنا (  ا قْتَرَبَتِ السَّاعَةُ وَانشَقَّ الْقَمَرُ )  يبقى الحديث عن نهاية العالم مش حاجة جديدة .  والمسيح الدجال رغم أني لم يرد ذكره صراحاً في القرآن الكريم فقد ورد في احاديث النبي الكريم الذي لا ينطق...
قراءة المزيد

حيزت لك الدنيا

-
صورة
أنت من هؤلاء الناس الذين حيزت لهم الدنيا   ...... لماذا الشكوى وأنت من تظله السماء وتقله الأرض فلا تليق الشكوى بمن هو في أمن وأمان في وطنه يجد لقمة عيشه، معافى في بدنه من الأمراض، فعيبٌ عليه يشتكي القلة وضيق الحال وهذا وصفه، كما ورد في الحديث: «من أصبح آمنا في سربه، عنده قوت يومه، معافى في بدنه، فقد حيزت له الدنيا بحذافيرها» انظر ما أجمل الوصف وأبلغ اللفظ، أي جُمعت وضمت له الدنيا كلها بنعمها. إن من يخرج من بيته ويودع أهله لأنه لا يعلم هل يرجع إليهم في المساء أم لا؟ بسبب الحروب والقتل والخطف، أنت أفضل منه في أمن وأمان فلا تشتكِ، إن من لم يجد قوت يومه ولا لقمة تقيم صلبه وتجده يعمل بالساعات مقابل وجبة الإفطار والغداء في بعض الدول الفقيرة، أنت أفضل منه فلا تشتك، فربع سكان الأرض يقومون الصباح همهم تأمين لقمة الطعام . من يقضي حياته على الأسرة البيضاء وطوابير الصيدليات يبحث عن الشفاء، أنت أفضل منه فلا تشتك، فإن أكثر من ٨٠٠ مليون إنسان على وجه الأرض ينتظرون الموت بسبب الأمراض، إنك فوق ملايين الناس وأنت لا تشعر فاحمد الله ولا تشتك، يقول بحّار ظل قاربه في المحيط الهادي وبقي عشرين يوماً...
قراءة المزيد