إسكندرية الجميلة

الأسكندرية 

هتفضل اسكندرية مصدر لا ينتهي للابداع ومهما حاول المصورين والرسامين أنهم يخرجوا أجمل ما فيها برده هيبقوا مقصرين لأن اسكندرية جمالها بيتجدد ومش بيخلص ..... 

جمال اسكندرية مش بس في معالمها ولا شواطئها ولا الاماكن الخاصة اللي فيها انما جمالها في الناس اللي منها واللي فيها وكمان اللي بيحبوها .أنا بدأت الموضوع وكنت حابب أتكلم عن علاقة الجمال بالأبداع بس لقيت نفسي بأكتب عن جمال اسكندرية ونسيت الموضوع أصلاً . 

اسكندرية جمالها في مبدعيها ومبدعي اسكندرية وفنانيها هما سر جمالها اللي مش بينتهي  من أيام السيد درويش مروراً ببيرم التونسي ولحد مصطفى قمروالجميل شريف الدسوقي  . 

أيوة شريف الدسوقي إسكندراني معجون بميتها ورملها فنان حقيقي يمتلك موهبة كبيرة والموهبة ربنا بيهبها للناس بنسب مختلفة زمنقدرش نوصف كل الموهوبين بإنهم فنانين الا لما يتميز عن غيره بقدرته الابداعية . 

وانا شايف ان البيئة بتأثر على الموهوبين الل عايشين فيها ومش في مصر بس لا دا ع المستوى العالمي  يعني بخ وموتسارت
و دافنشي  كل الناس الجامدة دي أكيد أتأثروا بالجمال الي كان حواليهم , ومش بس كدة لو بصينا على الحضارة الاسلامية لما كان فيها ابن رشد وأبن حزم والناس الحلوة دي لما كانوا بيصحوا من النوم كانوا بشوفوا مناظر طبيعية جميلة وبالتالي كانوا بيبدعوا ويبنوا حضارة .
في النهاية بوجه تحية لكل اسكندراني جدع وطكل فنان سكندري أثر فينا بفنه وأخص بالتحية للفنان شريف الدسوقي اللي ولع الدنيا في رمضان السنة دي ( سبعبع ) اللي فكرني أول ما شفته بالجميل ( محمد شرف ) رئيس جمهورية نفسه  .